Өнөөдөр шинээр гарч байгаа дуу бүхэн mp3-т хөрвүүлэгддэг хэмээвээс хэтрүүлэг болохгүй. Дижитал аудио болон хөгжмийн файлийн хувьд нийтээр хүлээн зөвшөөрөгдсөн, хэрэглээнд хамгийн түгээмэл ашиглагддаг энэхүү аудиоформат нь lossy буюу чанарын алдагдалтай шахдаг формат юм. Уг форматыг үүсгэж хөгжүүлэгчийн нэг - Thomson пүүс mp3 -ийн шинэ хувилбар - lossless буюу чанарын алдагдалгүй шахдаг mp3HD формат бий болголоо. Шинэ формат файлийн хэмжээний хувьд уламжлалт mp3-аас бараг дөрөв дахин их зай эзэлнэ.